Rútuferðir að rásmarki

Farið er á rútum að rásmarki á stöðunum þremur (Dettifoss, Hólmatungur, Hljóðaklettar). Aðstæður við rásmark eru mismunandi en gert er ráð fyrir að eftir rútuferðina hafi hlauparar einhverja stund (10-20 mín.) til að liðka sig fyrir hlaupið. Engin búningsaðstaða er við rásmörk og þar eru ekki vatnssalerni, aðeins þurrsalerni. 

Þátttakendur geta skilið eftir merkta poka með hlífðarfötum oþh. í rútunni og nálgast þá við markið í Ásbyrgi að hlaupi loknu. Ekki er tekin ábyrgð á verðmætum í þessum pokum.

Hlauparar eru vinsamlegast beðnir um að fara ekki á einkabílum að rásmarki. Bílastæðin á hverjum stað eru ekki stór og nauðsynlegt er að rúturnar sem flytja hlaupara geti komist greiðlega til og frá rásmarki. 

Hér er tímaáætlun fyrir mætingu, brottför og upphaf hlaupa:

Hlaupaleið	Mæting í  Gljúfrastofu	Brottför rútu	Hlaupið byrjar kl.
Dettifoss - Ásbyrgi	08:30	09:30	11:00
Hólmatungur - Ásbyrgi	09:30	10:30	12:00
Hljóðaklettar - Ásbyrgi	11:00	12:30	13:30

---